அன்வர் வட்டாரத்தின் கர்பலா உள்ளக வீதி மக்களின் தேர்தல் கால வாக்குறுதி நிறைவேற்றப்பட்டுள்ளது



(ஆதிப் அஹமட் )

காத்தான்குடி கர்பலா உள்ளக வீதியானது மிக நீண்டகாலமாக புனரமைக்கப்படாது  காணப்பட்டது.கர்பலா வீதியையும் அல் அமீன் வீதியையும் இணைக்கின்ற மிக நீண்ட இவ்வீதியை புனரமைத்து தருமாறு  அன்வர் வட்டாரத்தில் கடந்த நகரசபைத்தேர்தலில் போட்டியிட்ட நகர திட்டமிடல் நீர் வழங்கல் மற்றும் உயர் கல்வி அமைச்சின் இணைப்புச்செயலாளரும், ஸ்ரீலங்கா முஸ்லிம் காங்கிரஸின் தேசிய கொள்கை பரப்புச் செயலாளருமான யு.எல்.எம்.என்.முபீன் அவர்களிடம் தேர்தல் காலத்தில் மக்கள் கோரிக்கை விடுத்திருந்தனர்.


இக்கோரிக்கையை நிறைவேற்றுவதாக வாக்குறுதியளித்த நகரசபை உறுப்பினர் யு.எல்.எம்.என்.முபீன் அவர்களின் வேண்டுகோளின் பேரில் சமூக நல்லிணக்க இராஜாங்க அமைச்சர் அஸ்ஸெய்யித் அலி ஸாஹிர் மௌலானா அவர்களின் நிதி ஒதுக்கீடு ரூபா இருபது இலட்சம் செலவில் கொங்கிறீற்று வீதியாக இவ்வீதியும் அதனோடு இணைந்த சிறிய குறுக்குகளும் புனரமைக்கப்பட்டுள்ளது.



இந்த வீதியின் புனரமைப்பு பணிகள் அண்மையில் இடம்பெற்றபோது யு.எல்.எம்.என்.முபீன் அவர்கள் நேரில் சென்று பணிகளை பார்வையிட்டார்.



No comments