ஏறாவூர், காத்தான்குடி பள்ளிவாசல்களுக்கு ஹிஸ்புல்லாஹ விஜயம்!




ஜனாதிபதியை தீர்மானிக்கும் ஜனாதிபதி வேட்பாளர் கலாநிதி ‎எம்.எல்.ஏ.எம்.ஹிஸ்புல்லாஹ்   (2019.10.18) ‎வெள்ளிக்கிழமை
மட்டக்களப்பு, ஏறாவூர் மற்றும் காத்தான்குடி பகுதிகளில் உள்ள பள்ளிவாசல்களுக்கு விஜயம் செய்தார்.


ஏறாவூர் ஓட்டுப் பள்ளி ஜும்ஆ பள்ளிவாசலுக்கு முதலில் விஜயம் செய்த ‎அவர், அங்கு ஜும்ஆ தொழுகைக்கு பின் பொது மக்களுடன் ‎கலந்துரையாடினார். ‎


பின்னர், தனது நிதியொதுக்கீட்டில் புனர்நிர்மாணம் செய்யப்பட்ட 400 ‎வருடங்கள் பழமை வாய்ந்த ஏறாவூர், ஆத்தங்கரை ஜும்ஆ பள்ளிவாசலுக்கு ‎விஜயம் செய்ததுடன், அங்கு தனது நிதியொதுக்கீட்டில் மேற்கொள்ளப்பட்டு ‎வருகின்ற பள்ளிவாசல் மதில் நிர்மாணப் பணிகளை பார்வையிட்டார். ‎


அதனைத் தொடர்ந்து ஏறாவூர் ஹதீஜா பள்ளிவாசல் நிர்வாகத்தின் ‎வேண்டுகோளுக்கு அமைய அங்கு விஜயம் செய்த ஹிஸ்புல்லாஹ், ‎பள்ளிவாசல் நிர்மாணப் பணிகள் தொடர்பில் கலந்துரையாடினார்.


அதேபோன்று, தனது நிதி ஒதுக்கீட்டில் காத்தான்குடி, கடற்கரை வீதியில் அமைக்கப்பட்டு வரும் அல்- அக்ஸா வடிவிலான ஜும்ஆ பள்ளிவாசலுக்கும் விஜயம் செய்து அதன் நிர்மாணப் பணிகளை பார்வையிட்டார். 


No comments