மட்டக்களப்பு பல்கலைக்கழகக் கல்லூரியில் ஊடகத்துறை பட்டப்படிப்பு கற்கைநெறியை ஆரம்பிக்க கிங் அப்துல் அசீஸ் பல்கலைக்கழகம் இணக்கம்.

(ஊடகப்பிரிவு) 

ஜித்தாஹ் கிங் அப்துல் அசீஸ் பல்கலைக்கழகத்துடன் இணைந்து மட்டக்களப்பு பல்கலைக்கழகக் கல்லூரியில் ஊடகத்துறையில் பட்டதாரிகளை உருவாக்கும் வகையில் ஊடக கற்கைநெறியினை ஆரம்பிக்கும் வகையிலான பேச்சுவார்த்தை வெற்றியளித்துள்ளதாக மட்டக்களப்பு பல்கலைக்கல்லூரியின் தலைவரும் கிழக்கு மாகாண ஆளுநருமான கலாநிதி எம்.எல்.ஏ.எம்.ஹிஸ்புல்லாஹ் தெரிவித்தார்.

இது தொடர்பான விசேட கலந்துரையாடல் ஜித்தாஹ் கிங் அப்துல் அசீஸ் பல்கலைக்கழகத்தில் இடம்பெற்றது.

இதில் கிங் அப்துல் அசீஸ் பல்கலைக்கழகத்துடன் இணைந்த ஊடக பட்டப்படிப்பு கற்கைநெறியினை மட்டக்களப்பு பல்கலைக்கழகத்தில் ஆரம்பிக்கும் வகையிலேயே இப்பேச்சுவார்த்ததை இடம்பெற்றதாக ஆளுநரின் ஊடகப்பிரிவு தெரிவித்துள்ளது.

இக்கலந்துரையாடலில் ஜித்தாஹ் கிங் அப்துல் அசீஸ் பல்கலைக்கழகத்தின் சார்பில் டொக்டர் ஸலாஹ் பா உத்மான் டொக்டர் பஹத் டொக்டர் அப்துர் றஹ்மான் ஒலீயா ஆகியோர் பங்கேற்றமை குறிப்பிடத்தக்கது.

No comments