இன ஐக்கியத்தை ஏற்படுத்தும் வகையில் குவைத் நாட்டு கொடை ஸ்தாபனத்தின் நிதியுதவியில் பொதுமக்களுக்கு குடிநீர் வசதி




-ஏ.எச்.ஏ. ஹுஸைன்- 

இன ஐக்கியத்தை ஏற்படுத்தும் வகையில்  குவைத் நாட்டு அல்-நஜாத் அறக்கொடை அமைப்பினால் இலங்கை அந்-நூர் அறக்கொடை ஸ்தாபனத்தினூடாக பொது மக்களுக்கு குடி நீர் வசதிகளை ஏற்படுத்திக் கொடுத்து வருவதாக அந்-நூர் கொடையாளி அமைப்பின் சமூக சேவையாளர் எம்.எல். அப்துல் றஹ்மான் தெரிவித்தார்.

பொது மக்களுக்கு குடி நீர் வசதியளிக்கும் திட்டத்தின் கீழ் ஏறாவூர் சவுக்கடி கிராம வீடமைப்புத் திட்டத்திலுள்ள சுமார் 70 தமிழ்க் குடும்பங்களுக்கு கிணறுகள் வழங்கும் ஏற்பாட்டில் முதற் கட்டமாக 4 கிணறுகளைக் கையளிக்கும் நிகழ்வு ஞாயிற்றுக்கிழமை 16.12.2018 காலை இடம்பெற்றது.


மீதமுள்ள நிலத்தடிக் கிணறுகளை மிக விரைவில் அமைத்துக் கொடுக்கவுள்ளதாக அறக்கொடை அமைப்பினர் தெரிவித்துள்ளனர்.

இக்கிணறுகள் ஒவ்வொன்றும் சுமார் 15 ரூபாய் செலவில் நிர்மாணிக்கப்பட்டுள்ளன.

நிலத்தடி நீர்க் கிணறுகளைக் கையளிக்கும் இந்நிகழ்வில் அந்-நூர் கொடையாளி அமைப்பின் சமூக சேவையாளர்களான எம்.எல். அப்துல் றஹ்மான்  ஏ.எம். சலீம், ஐ.எம். அப்துல் அஜீஸ் ஆகியோருட்பட அதன் பயனாளிகளும் கலந்து கொண்டனர்.



குவைத் நாட்டு அல்-நஜாத் அறக்கொடை அமைப்பின் நிதியுதவியுடன் இலங்கை அந்-நூர் அறக்கொடை ஸ்தாபனம் இலங்கையின் பல பாகங்களிலும் அனைத்து சமூக மக்களுக்குமான வாழ்வாதார உதவிகள், இடர் உலருணவு நிவாரணங்கள், உள்ளிட்ட பல்வேறு சமூக சேவைச் செயற்பாடுகளில் ஈடுபட்டு வருவதாக அதன் தன்னார்வலர்கள் தெரிவிக்கின்றனர். 

இந்த செய்தியை நண்பர்களுடன் பகிர்ந்து கொள்ள...

முக்கிய குறிப்பு :

எமது இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு எமது நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். =============================================================== உங்களது மேலான கருத்துக்களையும் ஆலோசனைகளையும் எதிர்பார்கிறோம் இந்த வலைதளம் வளாச்சிக்கு நிறை - குறைகளை சுட்டி காட்டவும் உங்கள் வருகைக்கு நன்றி.