மண்முனைப்பற்று பிரதேச செயலகப்பிரிவில் ஸ்ரீலங்கா முஸ்லிம் காங்கிரஸின் அபிவிருத்திப்பணிகள்


ஸ்ரீலங்கா முஸ்லிம் காங்கிரஸின் தேசிய கொள்கை பரப்புச் செயலாளரும்,முன்னாள் கிழக்கு மாகாண சபை உறுப்பினருமான யு.எல்.எம்.என்.என்.முபீன் ,பாலமுனை மற்றும் காங்கேயனோடை ஸ்ரீலங்கா முஸ்லிம் காங்கிரஸ் மத்திய குழுக்களின் வேண்டுகோள்களின் பேரில் ஸ்ரீலங்கா முஸ்லிம் காங்கிரஸின் மட்டக்களப்பு மாவட்ட பாராளுமன்ற உறுப்பினரும்,முன்னாள் பிரதியமைச்சருமான அஸ்ஸெய்யித் அலி ஸாஹிர் மௌலானா அவர்களின் நிதியொதுக்கீட்டில் மண்முனைப்பற்று பிரதேச செயலகத்துக்குற்பட்ட நீண்டகாலமாக மக்கள் சிரமங்களை எதிர்நோக்கி வந்த பல்வேறு பிரதேசங்களில் அபிவிருத்தி பணிகள் பல ஆரம்பிக்கப்பட்டு நடைபேறு வருகின்றன.
அந்த வகையில் காங்கேயனோடை மையவாடி வீதி வடிகாண் அமைப்பதற்காக ரூபா 10 இலட்சமும்,
காங்கேயனோடை பதுர் பள்ளியாவயல் குறுக்கு வீதி வடிகாண் அமைப்பதற்காக ரூபா 10 இலட்சமும்,
காங்கேயனோடை ஹிஸ்புல்லாஹ் வித்தியாலய வீதி மற்றும் குறுக்கு வீதி கொங்கிறீற்று வீதியாக அமைப்பதற்கு ரூபா 10 இலட்சமும்,
காங்கேயனோடைஈரான் சிட்டி அணைக்கட்டு அமைப்பிற்கும்,கிரவல் இடுவதற்குமாக 10 இலட்சமும்,பாலமுனை மாக்கார் வீதி இரண்டாம் கட்ட கொங்கிறீற்று இடும் பணிக்கு 10 இலட்சமும்,
ஹைராத் பள்ளிவாயல் பின் வீதி கொங்கிறீற்று இடுவதற்காக ரூபா 10 இலட்சமும், ஹைராத் பள்ளிவாயல் பின் வீதி கிறவல் இடுவதற்காக ரூபா 10 இலட்சம் மற்றும் கர்பலா மொடர்ன் பாம் வீதி கொங்கிறீற்று இடுவதற்காக ரூபா 10 இலட்சமும் ஒதுக்கீடு செய்யப்பட்டுள்ளது.
கடந்த ஒக்டோபர் மாதம் 26ம் திகதி நாட்டில் அரசியல் நெருக்கடியான சூழ்நிலை ஏற்பட்ட போதும் இந்த குறித்த வேலைத்திட்டங்களை செயற்படுத்த யு.எல்.எம்.என்.முபீன் அவர்கள் எடுத்துக்கொண்ட தொடர் முயற்சியின் காரணமாக மண்முனைப்பற்று பிரதேச செயலகத்தினூடாக கிராமோதய சங்கங்களோடு ஒப்பந்தங்கள் கைச்சாத்திடப்பட்டு பணிகள் முன்னெடுக்கப்பட்டு வருகின்றன.
இவ்வேலைத்திட்டங்கள் விரைவில் மக்களுக்கு கையளிக்கப்படுமென யு.எல்.எம்.என்.முபீன் அவர்கள் இதன்போது தெரிவித்தார்.
இந்த செய்தியை நண்பர்களுடன் பகிர்ந்து கொள்ள...

முக்கிய குறிப்பு :

எமது இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு எமது நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். =============================================================== உங்களது மேலான கருத்துக்களையும் ஆலோசனைகளையும் எதிர்பார்கிறோம் இந்த வலைதளம் வளாச்சிக்கு நிறை - குறைகளை சுட்டி காட்டவும் உங்கள் வருகைக்கு நன்றி.